Kven kan få tilbod om trygdebustad?
- Du må vera fylt 18 år og folkeregistrert i Kvam
- Trygdebustad kan tildelast søkjer som er utan fast eller egna bustad, og som er utan moglegheit til å skaffe seg alternativ bustad sjølv.
- Bustad for deg som er i ein midlertidig, vanskelegstilt situasjon grunna helsemessige eller sosiale forhold.
- Søkjar må ikkje ha inntekt, formue eller alternative moglegheiter som gjer vedkomande i stand til å skaffa seg egna bustad. Kravet kan avvika dersom det føreligg særlege grunnar.
Leigeforhold og tenester:
Regelverk knytt til leige av trygdebustad er omtala i husleigekontrakt.
Tenestetildeling vert gjort på bakgrunn av individuell vurdering av hjelpebehov. Dette vert konkretisert i individuelle enkeltvedtak.
Tenester
- Leige av bustad: Inkludert i husleiga er leige og kommunale avgifter. For trygdebustader er straum ikkje inkludert.
Sjå elles husleigekontrakt.
Innbu er dekka med inntil 50 000,- i kommunal innbuforsikring. Dersom ein har store verdiar vert det anbefalt å teikna eigen innbuforsikring.
- Heimesjukepleie: Etter søknad og individuell vurdering av hjelpebehov kan heimesjukepleie innvilgast. Tenesta har fritak for eigenbetaling.
- Reingjering av bustaden: Etter søknad og individuell vurdering av hjelpebehov kan hjelp til reinhald/praktisk bistand innvilgast. Det er fastsett kommunal betalingssats for heimehjelp/praktisk bistand.
Når leigetilhøvet vert avslutta er det leigetakar eller pårørande som har ansvar for utflytting og nedvask av bustad, jmf. husleigekontrakta.
- Tryggleiksalarmar: Det kan søkjast om abonnement på tryggleiksalarm. Ved behov vert søknad innvilga og alarm montert etter enkeltvedtak. Det er eigenbetaling på tenesta.
- Fastlege: Alle som leiger trygdebustad skal nytta sin fastlege slik som før innflytting i bustaden. På bakgrunn av søknad kan det innvilgast hjelp med oppfylging av legekontakt og hjelp til administrering av medisinar.
- Tannhelseteneste: Kvam herad har avtale med den offentlege tannhelsetenesta om tannlegebehandling. Tilbodet gjeld personar med vedtak om heimesjukepleie og som har motteke slik teneste i 3 månader eller meir. Denne tannhelsetenesta er gratis.
Gruppeleiar har søknad og samtykkeskjema.
Utstyr og innkjøp
- Reingjeringsmiddel: Leigetakar må sjølv halda seg med reingjeringsmidlar og andre personlege artiklar som såpe, sjampo og toalettpapir.
- Klevask: Leigetakar må ha eigen vaskemaskin og tørketrommel/tørkestativ i dei bustadane der det er plass til dette.
Alle skal sjølv halda seg med vaskemiddel. På bakgrunn av søknad kan det innvilgast hjelp til vask og stell av kle. Hjelp til klevask går inn i tenesta praktisk bistand som medfører eigenbetaling.
- Mat: Leigetakar kan bestilla middag gjennom tenesta matombringing. Middag vert levert på døra etter avtale. Det er eigenbetaling på tenesta etter enkeltvedtak.
- Andre varer: Andre varer som ein treng i det daglege skaffar den enkelte sjølv. Dette gjeld til dømes lyspærer.
- Inventar: Leigetakar skaffar sjølv inventar som bord, stolar, seng, gardiner, handkle og sengetøy.
- TV-NRK lisens: Fjernsyn og tilgang til ulike kanalar må skaffast privat. Som elles for private fjernsyn må alle betala den årlege NRK-avgifta sjølv.
- Behov for sår og bandasjemateriell. Legekontora tilbyr utstyr i tråd med aktuell behandling. Det er eigenbetaling for dette. Dersom ein har behov for og har fått innvilga heimesjukepleie til behandling av sår, er aktuelt utstyr gratis.
Utstyr og forbruksartiklar som personalet nyttar i sitt arbeide vert dekka av kommunen
Pris
Du inngår husleigekontrakt og betaler husleige for bustaden.
Utgifter til måltider, alarm og tenester i bustaden kjem i tillegg til husleiga.
Slik søkjer du
Du brukar skjema for helse- og omsorgstenester (PDF, 165 kB).
For meir informasjon om søknad følg denne lenka.
Lovar og retningslinjer
Trygdebustad er ikkje ei teneste som vert tildelt etter helse- og omsorgstenestelova, men omfattar ulike typar bustader som er tilrettelagde for omfattande helse- og omsorgsbehov utanfor institusjon.