Kvam ungdomsråd er eit rådgjevande og lovpålagt folkevalt organ, som er sett saman av 13 ungdomar som representerer aldersgruppa 13- 19 år. Representantane er valde frå Strandebarm skule, Norheimsund Friskule, Kvam ungdomsskule, dei vidaregåande skulane i Kvam,  Kvam kulturskule (nytt frå hausten 2024) og Ungdomsbasen i Norheimsund. Kvar representant er valt for ein periode på 2 år og skal ikkje ha fylt 19 år på valtidspunktet. I tillegg er det vald ein representant frå Kvam heradsstyre som er valt for ein periode på 4 år som tilsvarar heradsstyreperioden.

Ungdomsrådet skal arbeida for å skapa best mogeleg ungdomsmiljø i Kvam. Rådet kan uttala seg i saker som gjeld ungdom før desse vert politisk handsama og vedtekne. Det kan i tillegg ta opp saker og fremja forslag for politiske organ som gjeld barn og unge sin kvardag.

Ungdomsrådet kan arbeida med konkrete aktivitetar og prosjekt knytt til barn og unge. 

Kvam ungdomsråd har møte- og talerett i Kvam formannskap og Kvam heradsstyre sine møte i dei saker som kjem inn under ungdomsrådet sitt arbeidsområde. 

På Kvam heradsstyre sitt møte 11.12.2025 vart samansetjinga av ungdomsrådet for hausten 2025- hausten 2026 formelt vedteke. Kvam ungdomsråd konstituerte seg 13.1.2026. 

Hallvard Valland Nordheim vart vald til leiar og Alexander Nitter vart valt til nestleiar.  

Du kan følgja med på aktiviteten til Kvam ungdomsråd på Instagram. 

Sjå også:

• Kvam ungdomsråd sitt reglement sist revidert av Kvam heradsstyre 02.10.2025 sak 074/25.

Kvam ungdomsråd er også medlem i Hardanger og Voss ungdomsråd.

Ungdata og Sterke felleskap 

Kvam ungdomsråd har vore sterkt engasjert i arbeidet med “Sterke fellesskap” sidan våren 2024. Her finn du rapporten frå arbeidet så langt: Sterke fellesskap- ung i Kvam 2024 (PDF, 3 MB)