Elevar som bur i andre kommunar, har ikkje rett til skuleplass i Kvam herad. Dersom ein elev som bur i ein annan kommune ynskjer skuleplass i Kvam herad , må eleven/foreldrene ta kontakt med bustadkommunen og søkja om refusjonsgaranti. Dersom bustadkommunen vil gi slik refusjonsgaranti kan kommunen ta kontakt med Kvam herad og be om skuleplass for eleven. Slike førespurnader skal rettast til leiar for barnehage og skule. 

Hovudregelen er at Kvam herad ikkje inngår avtale om kjøp av skuleplassar i andre kommunar, fordi elevar som bur i Kvam herad har rett på skuleplass i heradet.I særlege tilfeller kan unntak blir vurdert.

Frå 1. august 2009 gjeld følgjande retningsliner for kva område som soknar til den enkelte grunnskule i Kvam.

Kvam heradsstyre vedtok endringar i krinsgrensene i sak 15/25.  Utdrag frå vedtaket er inkludert i teksten under. 
 

Barnesteget:

Ålvik skule

Barn busette frå grense mot Granvin (Voss) herad til og med Ytre Ålvik. Området er identisk med opptaksområdet til Ålvik skule. Gjeld frå skuleåret 2009/10.

Øystese barneskule

Barn busette på strekningen Steinstøberget - Kaldavadet - Bjelkaneset - Nes. Området er identisk med opptaksområdet til tidlegare skular Fykse skule og Øystese barneskule. Gjeld frå skuleåret 2007/08.

Norheimsund skule

Barn busette på strekninga Vangdalsberget – Tørvikbygd – Heradstveit - Eide/Åse (tidlegare Tørvikbygd skule opptaksområde) - Mo (Steinsdalen) – Kvamskogen, mot grense Samnanger kommune, Nes – Norheimsund – Kaldestad, strekningen Skiftesgjel ved Kaldestad – Vangdal. Opptaksområdet omfattar og Seland og Tolomarka. Gjeld frå skuleåret 2025/2026.

Strandebarm skule

Barn busette på strekninga Vangdalsberget – Tørvikbygd – Heradstveit - Eide/Åse (tidlegare Tørvikbygd skule opptaksområde) - Ljones – Røyrvik - Linga – Bakkaskogen, Dysvik – Våtavik og strekninga Nybru - Nes - Leirstein – Gravdal. Gjeld frå skuleåret 2025/2026. 

Elevar frå tidlegare Tørvikbygd skulekrins vil frå skuleåret 2025/2026 ha høve til å velja om dei vil ha Strandebarm skule eller Norheimsund skule som sin nærskule. 

Ungdomssteget:

Kvam ungdomsskule

Frå skuleåret 2025/2026 gjeld det elevane frå Ålvik skule, Øystese barneskule, Norheimsund skule. (Elevar frå Tørvikbygd som har starta på Norheimsund skule, fullfører ungdomsskulen ved Kvam ungdomsskule). 

Strandebarm skule

Frå skuleåret 2025/2026 gjeld det elevane frå Strandebarm skulekrins. (Elevar frå Tørvikbygd som har starta på Strandebarm skule, fullfører ungdomsskule ved Strandebarm skule.

Vedteke i Kvam heradsstyre 10. mars 2009.
Endring vedteke i Kvam heradsstyre 20. mars 2025. Heile vedtaket finn du her

Forskrifta er gitt med heimel i Opplæringslova §8-1 og i samsvar med saksgang gitt i Forvaltningslova §§ 37-40

Ved handsaming av søknad, skal rektor fylgja forskrift om byte av skule.

I vurdering om byte av skule må rektor ta omsyn til:  

• Rett til nærskule: Elevane har lovfesta rett til å gå på nærskulen (opplæringslova § 2-6).  
• Kapasitet: Kva elevtal skulen er bygt for, og om det er plass på skulen (rom, organisering, gruppestorleik, inneklima). Manglande plass og for høgt elevtal er lovleg grunn til avslag.  
• Konsekvensar for avgjevande skule: Om skulebyte kan svekkja elevgrunnlaget, og på den måten redusera høve til å oppretthalda skuletilbodet.  
• Trygt skulemiljø: Skulemiljøet både på avgjevande og mottakande skule.  
• Økonomiske konsekvensar: Rådmannen tilrår ikkje skulebyte som får økonomiske konsekvensar, til dømes byte som utløyser klassedeling.  
• Elevmedverknad: Eleven si meining skal innhentast, fortrinnsvis gjennom samtale, og skal vektleggjast ut frå alder og modning.  
• Barnets beste: Alle avgjerder skal ta utgangspunkt i kva som er best for barnet (opplæringslova § 10-1, Barnekonvensjonen art. 3). 
  • I ei vurdering av kva som er til det beste for eleven, skal rektor ta omsyn til mellom anna:  
    • Tryggleik og trivsel – vil ny skule gje eit betre sosialt miljø?
    • Fagleg utvikling – vil ny skule gje betre fagleg utbyte. Kan ny skule leggja betre til rette for individuelt tilrettelagd opplæring? 
    • Sosialt nettverk - søsken på skulen, tilknyting til nærmiljøet 
    • Kva er til det beste for eleven på kort, og på lang sikt 
    • Vurderingane av barna sitt beste må gjerast innanfor dei rammene som lov og forskrift set opp, og heradet må visa korleis barna sitt beste er identifisert og vekta i forhold til andre omsyn.