Når har elevar rett på permisjon?

Elevar som høyrer til eit trussamfunn utanfor Den norske kyrkja, har etter søknad rett til permisjon frå skulen dei dagane trussamfunnet har helgedag, dersom foreldra sørgjer for den opplæringa som må til for at eleven skal kunna følgja med i opplæringa på skulen etter fråværet. 

Det kan vera grunnlag for å gje permisjon ved andre høve, som til dømes: 

• Deltaking i politisk arbeid (t.d ungdomsrådet)
• Idrettsarrangement eller andre kulturarrangement der eleven er deltakar på høgt nivå, og det er krav om å reisa bort i opplæringstida. Eleven/føresette må kunna visa fram dokumentasjon på deltaking og arrangement. 
• Gravferd i nær relasjon
• Helse- eller velferdsårsaker i familien
   

Når får elevar normalt ikkje permisjon?

Det bør ikkje gjevast permisjon dersom det i permisjonstida skal gjennomførast: 

• Statlege kartleggingsprøver
• Nasjonale prøver
• Eksamen, både munnleg og skriftleg
• Andre større prøver og vurderingssituasjonar slik det går fram av terminplan/prøveplan

Kvam herad har eigen forskrift om permisjon frå grunnskuleopplæringa. 

Kvam herad oppmodar foreldre om i størst mogeleg grad å leggja feriereiser til dei 14 vekene elevane har fri i eit skuleår.

Søknadsskjema

Digitalt søknadsskjema for permisjon

Når elevar er borte frå skulen i meir enn ti samanhengande skuledagar

Dersom eleven skal vera borte frå skulen i meir enn to samanhengande veker (ti skuledagar), må eleven skrivast ut av skulen. Foreldre står då ansvarleg for grunnskuleopplæringa på same måte som ved heimeundervisning. Når eleven kjem attende til skulen vert han skriven inn på ny.

Klage

Ynskjer du å klaga å på vedtak om permisjon må du klaga innan tre veker etter at du har motteke svar på søknaden. Klagen skal sendast til den skulen som har hatt føre søknaden. 

Alternativ til digital søknad: 

• Standard søknadsskjema for søknad om permisjon for elevar (DOC, 39 kB)