Plan
Under tenesteområde plan ligg private og offentlege planar, områdeplanar, kommunedelplanar og kommuneplanens arealdel. Private planar ligg under sjølvkostfinansierte tenester fram til 1. gongshandsaming. Offentelege planar må finansierast som prosjekt.
Kvart fjerde år legg kommunen fram kommunal planstrategi, med prioritering av det offentlege planarbeidet innanfor kvar heradsstyreperiode. Planstrategien skal synleggjera behov for nye planar, opp i mot tilgjengelege ressursar og utfordringar.
Byggesak
I byggesakshandsaming handsamar kommunen dispensasjonar, byggjeløyve, delingsløyve, tilsyn og ulovleg oppfylging etter plan- og bygningslova. Vidare handsamar avdelinga søknad om løyve til tiltak etter hamne- og farvannslova, veglova og forureiningslova.
Oppmåling/geodata
Oppmåling/geodata omfattar handsaming av søknader etter matrikkellova, eigarseksjonslova og arbeid med forvaltning av geodata. Arbeidet med nykartlegging er organisert gjennom GEOVEKST samarbeidet og Norge digitalt avtalen styrt av Statens kartverk. Kvam herad har ansvar for en løpande oppdatere byggbasen, tiltaksbasen, vegnett, arealressurskart, planbasen og vass- og avlaupsbasen. Kvam herad har i dag synkronisering av grunnkartet og planbasen mot Statens kartverk.
Kulturminne
Kulturminne er ein avgrensa ressurs som ikkje kan erstattast dersom dei vert borte. Dette gjeld for dei automatisk freda kulturminna og kulturminne av nyare dato som ikkje er freda, men som likevel er ein viktig del av vår nære historie. Kulturminneplanen i Kvam gjev ei god oversikt over kulturminna i kommunen og er eit godt verktøy for forvaltninga av desse.
Rekreasjon i tettstad
Kommunen har ansvaret for grøntanlegg som i hovudsak handlar om å vedlikehalda omlag 60 kommunale ute- og friområde. Mykje av arbeidet vert gjort i nært samarbeid med Bergen og omland friluftsråd. Dei mest sentrale områda i Øystese og Norheimsund er det stort sett kommunen har ansvaret. Forvaltning av dei mindre sentrale områda, er ofte eit samarbeid i mellom kommunen, Bergen og omland friluftsråde og grendeutvala.
Naturforvaltning og friluftsliv
Kvam herad kjøper tenester om viltfortvaltning i frå Ullensvang. Kvam herad forvaltar store delar av sine friluftsområde igjennom medlemsskapet i Bergen og omegn friluftsråd, nokre friluftsområde vert og forvalta av kommunen sjølv, medan andre område vert forvalta via samarbeid i mellom Kvam herad, Bergen og omland friluftsråd og lokale grendalag/grendautval.