Kvam brann og redning (KBR) er ei avdeling under teknisk eining. Tenesteområdet omfattar ansvaret for det akutte rednings- og beredskapsarbeidet og tenester til førebygging av og beredskap mot brannar og ulykker i heradet.   

Beredskapsavdelinga har eit operativt mannskap på totalt 52 personar, disponera 12 brann og redningskøyretøy og er strategisk lokalisert på 3 lokasjonar i Ålvik, Norheimsund og Oma. 

I Ålvik er brann- og redningstenesta organisert i eit samarbeid med industrivernet ved Elkem Bjølvefossen. Mannskapet er derfor tilsett ved Bjølvefossen, men rykker og ut til hendingar utanfor bedrifta sitt område  

Førebyggjande avdeling har eit mannskap på 3, disponera 2 køyretøy og omfattar feie- og tilsynstenesta, branntilsyn, førebyggjande og informasjonsarbeid. Avdelinga er lokalisert i stasjonen i Norheimsund 

Organiseringa av tenesta og kompetansekrav til mannskapet er bestemt i lov og forskrift, samt heradet sin risiko- og sårbarheitsanalyse (Kommune ROS),  brann- og redningsvesenet sin  eigen risiko- og sårbarheitsanalyse (Brann ROS), førebyggandeanalyse og beredskapsanalyse. Samla sett utgjer desse dokumenta dokumentasjon av brann og redningsvesenet. Direktoratet for Samfunnssikkerhet og Beredskap (DSB) er tilsynsmyndigheit og føl opp heradet på dette. 

Kvam brann- og redningsvesen er og ein av 110 Vest med 38 deltakarkommunar i Vestland fylke, er medlem av IUA Bergen region (interkommunalt utval mot akutt forureining) med 20 kommunar, og er ein del av brannsamarbeidet mellom 18 kommunar i regionen (Vest brann- og redningsregion).