For å få løyve til å servere mat og skjenke alkohol, må dagleg leiar bestå etablererprøven.
Kven kan ta prøven?
Alle som ynskjer det kan ta etablererprøva. Den som skal være dagleg leiar på ein serveringsplass må ha bestått etablererprøva, og ha fylt 18 år.
Kva er pensum?
Boka "Læremateriell - Etablererprøven for serveringsvirksomheter" er pensum. Boka kan kjøpast hos VINN.
Kva kostar det?
Det kostar 400 kroner.
Kvar tar du prøven?
På rådhuset i Norheimsund, Grovagjelet 16. Du kan også ta prøven i andre kommunar.
Gjennomføring av prøven
- Du kan ta prøven etter avtale med eining for alkohol og servering.
- Ta med gyldig legitimasjon: pass, førarkort eller bankkort med bilete.
- Prøven er ei flervalgsprøve på 90 minuttar. Du må svare rett på 40 av 50 spørsmål.
- Prøven avlegges på norsk. Det er ikkje høve til å ha med tolk eller nytta ordbok. Det er tillatt å bruke lovsamling, som me har til utlån
Tilrettelegging ved særskilde behov
- Dyslektikarar kan avlegge etablererprøva munnleg.
- Er du svaksynt, har lammelsar, nedsatt høyrsel eller andre utfordringar tilrettelegg me så langt det lar seg gjera. Dette må avtalast på førehand ved å sende ein e-post til nilbol@kvam.kommune.no.
Kor mange ganger kan du ta prøven?
Du kan ta prøven på nytt heilt til du består. Det kostar 400 kroner kvar gang.
Utstedelse av prov
Alle som består etablererprøva får eit prov, som det er viktig å ta vare på. Dette er dokumentasjon på at du har naudstynt kunnskap om serveringslova. Provet er gyldig på ubestemt tid