Skulehuset i Botnen er normalt tilgjengeleg for utleige mellom 1. mai og fram til og med haustferien. Skuleklassar har prioritet ved utleige i vekedagar.
Tinging av skulehuset skjer via e-post til postmottak@kvam.kommune.no
eller i resepsjonen på rådhuset, der nøkkel også vert levert ut og attende i opningstida.
Leige av skulehuset kostar 880,- per døgn frå 1. feb 2023 (leiga vert indeksregulert årleg), rekna frå kl. 14.00 frå fyrste dag og til siste leigedag.
Tilsette i Kvam herad får 50 prosent rabatt, og kommunale skular og barnehagar kan leiga skulebygget gratis.
Betaling skjer ved at økonomikontoret sender ut rekning i midten av leigemånaden med forfall ca. den 30. eller månaden etter. Leigesummen på fakturaen er den totale summen rekna ut for leigeopphaldet.
Detaljar:
- Det er 12 senger i skulehuset
- Dyner og puter, men brukarar må sjølv ha med sengetøy
- Det er kjøkenutstyr til 12 personar
- Dersom større grupper nyttar skulen må dei ta med ekstra forbruksmateriell til toalett og reinhald, service osv.
Leige bygg
Retningsliner for utleige av kommunal eigedom
- For tilbod til innbyggjarane i Kvam herad kan lokale frivillige og ideelle lag og organisasjonar leige kommunale bygg gratis til aktivitetar som ikkje er av kommersiell art. Dette gjeld og tilbod i regi av regionale frivillige og ideelle lag og organisasjonar som er opne og tilgjengelege for innbyggjarane i kommunen, og som ikkje er av kommersiell art.
- Kommersielle og ikkje-kommersielle arrangement
- Kommersielle arrangement er til dømes større konsertar, førestillingar, messer eller utstillingar som genererar inntekt av ein viss størrelse for aktørane. Normalt vil dette vera arrangement der tilhøyrarane/deltakarane må løysa billett for å få tilgang, men omfattar ikkje idrettsarrangement, mindre konsertar, basarar og liknande for lokale frivillige og ideelle lag og organisasjonar.
- Om eit arrangement har kommersielt preg vil mellom anna vurderast ut frå størrelse på inntekt, om det er ein profesjonell arrangør, kva som er føremålet med arrangementet, og om det er profesjonelle utøvarar. Momenta er ikkje uttømande, og Kvam herad si avgjerd av kva som er kommersielt arrangement vil vera ei heilskapleg vurdering.
- Kommersielle arrangement vert fakturert etter satsar i gebyrliste i “Kommunale avgifter, gebyr og prisar”: Gebyrliste (framsikt.net)
- Aktivitet og arrangement som krev ekstra reinhald eller utkalling av vakt vil medføra ein ekstra kostnad. Dette gjeld både kommersielle arrangement og aktivitetar av ikkje-kommersiell art, der ein ikkje har kostnad til sjølve leiga.
- Aktivitet og arrangement som krev ekstra reinhald eller utkalling av vakt vil medføra ein ekstra kostnad. Dette gjeld både kommersielle arrangement og aktivitetar av ikkje-kommersiell art, der ein ikkje har kostnad til sjølve leiga.
- Ved leige av / i idrettshallane, er leigetakarar forplikta til å ta leigetakarkurs.
- Kommunale bygg vert ikkje leigd ut til privatpersonar.
Sist endra 05.02.2024 09:59