Øyvind Strømmen er utdanna journalist og har ei mastergrad i religionsvitskap. I tillegg til å vera forfattar av fleire bøker, arbeider han som frilansjournalist og omsetjar. Han har ein mangfaldig yrkesbakgrunn og brei erfaring som journalist både i aviser og fagtidsskrift i Noreg og i Belgia. Han har særleg kompetanse innan politisk ekstremisme og religion. Forfattarskapet hans omfattar bl.a. fleire bøker om temaet. I 2011 leia det til at han fekk prisen «Årets frilanser» av Norsk journalistlag for å ha vore i ein synleg journalist i tida etter 22. juli med høgreekstremisme og islamfientlege bloggar på internett som spesialfelt.  Øyvind skriv også om andre tema og nyleg gav han ut boka «Ungarn – en fortelling om Europa».  

Han vil tilføra Kvam viktig kommunikasjonsfagleg kompetanse, bl.a. på bruk av sosiale medium som informasjonskanal.

Øyvind er frå Samnanger og busett der med kone og tre born.  Han har gått på Øystese gymnas og kjenner godt til Kvam frå før. Han er ein samfunnsengasjert mann og sit i heradsstyret i Samnanger og som fylkespolitikar i Hordaland. Me ser fram til å få vår nye informasjonsrådgjevar på plass i løpet av august.