Prosjekt

ARTIKLAR

Prosjekt


+ hovudside

+ driftsprosjekt

+ it-satsing

+ barnehage

skule
	norheimsund barneskule
	øystese barneskule
	ålvik skule
	symjebasseng i norheimsund

+ kommunehelse / pleie- og omsorg

+ kultur

+ teknisk

+ va-prosjekt

+ ymest

+ vedlikehaldspakken

+ tiltakspakken

+ logg inn

Prosjekt som ikkje er funne midlar til i Budsjettforslaget for økonomiplanperioden 2010-13

I punkt 3 under Prosjekt i økonomiplanperioden, side 51 er opplista prosjekt som rådmannen ikkje hadde funne mildar til. Det gjeld:
- kjøp av kai på Kaldestad
- kjøp av ICA-tomta
- asfaltering 2010-2013
- IT i skulen
- Hardangertunellen
- P60022 Bustadfelt i Norheimsund
- P60051 Skytebane Norheimsund / Øystese - tidlegare vedtak
- P60055 Bårehus Øystese

Kjøp av kai på Kaldestad
Det har vore forhandlingar med eigaren av kaien på Kaldestad, men dette har ikkje ført fram. Det er ikkje sett av midlar til dette prosjektet. Det vil verta vurdert dersom det skulle verta aktuelt seinare.

Kjøp av ICA – tomta
Det er inngått av tale med Kvam Holding AS om kjøp av ICA – tomta AS, jfr. vedtak i HST – sak 087/06. Overtakingsdato er sett til 31.01.2010. I hht avtalen mellom Kvam herad og Kvam Holding AS skulle det innan 1.7. 2009 vera semje om kjøpesum. Slik semje er ikkje oppnådd og skjønn er under vurdering. På grunn av Kvam herad si økonomiske stode, vert det føreslege å inngå avtale med Kvam Holding AS om å frysa avtalen i 5 år, noko også Kvam Holding AS har vore interessert i.

Asfaltering 2010 – 2013
Prosjekta P61031 Asfaltering av vegar og P61065 Asfaltering av vegar, rest er no brukte opp og vel så det. Det er ønskeleg med min. 1,0 mill. kr. årleg til vedlikehald av dei kommunale vegane. Dersom ikkje prosjekt, må driftsbudsjetta belastast med naudsynt asfaltering, dvs. mindre midlar til anna vedlikehald. Det er ikkje funne dekning til dette i økonomiplanperioden.

IT i skulen
I hht KOSTRA – dokumentet om grunnskule må det investerast om lag 1,1 mill. kr. årleg til datamaskiner (187 stk. pr. år) i skulen. Maskinene varer 3-5 år, både økonomisk og fysisk. Frå våren 2010 skal eksamen for 10. trinn gjennomførast på datamaskiner. Dersom maskinparken ikkje vert oppdatert, vil ikkje skulane i Kvam kunna gjennomføra lovpålagd eksamen. Rådmannen rår til at det vert søkt hjelp hjå dei vidaregåande skulane i Kvam med tanke på eventuell lån av datamaskiner til å gjennomføra eksamen våren 2010. Dersom dette ikkje let seg gjera, må det leggjast fram eiga sak til Kvam heradsstyre vinteren 2010.

Hardangertunellen
I oversendingsforslag frå Kvam heradsstyre til rådmannen i møte 13. oktober 2009, vart det bede om å løyva 0,5 mill. kr. til finansiering av arbeid med alternative forslag til tunellinnslag og naudsynt reguleringsarbeid. Arbeidet skal finansierast av konto nr. 2530.0001 Kapitalfond. Kvam Bompengeselskap AS må melda frå om det er bruk for ytterlegare finansieringsbehov slik at det kan innarbeidast i budsjett 2010. Det er førebels ikkje motteke melding om auka finansieringsbehov. Det er lagt inn 0,1 mill. kr. i driftsbudsjettet for 2010 til frikjøp av folkevalde sitt arbeid med Hardangertunellen.

P60022 Bustadfelt Norheimsund
Det har ikkje vore nytta midlar på dette prosjektet sidan 2007. Det vert difor føreslege å avvikla prosjektet for å frigjera midlar til prosjekt som ligg innanfor økonomiplanperioden. Det vert vidare føreslege å overlata prosjektet til Kvam bustad- og tomteselskap AS.

P60051 Skytebane Norheimsund/Øystese – tidlegare vedtak
Det vert arbeidt med reguleringsplan for ny skytebane og det er set av 0,5 mill. kr. til dette. Resten av ramma vert trekt inn. Når det vert aktuelt å byggja ny skytebane, må ein rekna med ein mykje større kostnad enn dei 3,7 mill. kr. som har vore sett av til prosjektet. Det vert difor tilrådd å fremja ny sak når dette vert aktuelt.

P60055 Bårehus Øystese
Prosjektet er flytta fram til 2014, dvs utanfor denne økonomiplanperioden.

Heradstyret handsama Budsjettet i møte 15. desember.

Vedtak pkt. 10 - om IT i skulen:
Kvam heradstyre ber rådmannen leggja fram sak om behov for IT Investeing i skulene i Kvam . Det vert finansiert 1,2 mill. frå kapitalfondet til tiltaket (P21101 IT i skulen)

Vedtak pkt. 11 om asfaltering:
Kvam heradstyre med bakgrunn i vedlikehaldsmangel på kommunale vegar løyver kr. 1. mill. til asfaltering, finansiert av kapitalfondet (P 60103 Asfaltering)

Vedtak pkt. 14 - om ICA-tomta:
Kvam heradstyre ber rådmannen fremja eit notat om tilhøvet mellom Ica-tomta og Hardanger fartøyvernsenter, jfr. innspel fremja i brev frå Kvam Næringsråd, datert 30.nov.2009

Vedteke budsjett 2010 vert lagt ut på heimesida "Økonomi og innsparing"