AKTUELT

TENESTER

POLITISK


	AKTUELT
kunngjering
ledige stillingar
nyhende
fotoalbum
kalender
logg inn/ mi side

Du er her: Startside / tenester / familie_og_samliv /

Avlastning for funksjonshemma barn og unge

Lagt ut 25. februar 2013 kl. 10:25 av Åslaug Bøhn Botnen

1. Tenestedefinisjon for serviceerklæringa:

Teneste nr 24200 Avlastningsheim og teneste 25302 Avlastning i institusjon ( Avlastningsbustad)

Avlastning er ei teneste som skal gje foreldre nødvendig og regelmessig fritid og ferie, og gi høve til å oppretthalda gode tilhøve til familie og andre.

2. Kven får tenesta

Foreldre som har eit særleg tyngjande omsorgsansvar for barn og ungdom med særskilde vanskar.

3. Korleis få tenesta

Ved søknad om tilbod i Avlastningsheim : send skriftleg søknad til pleie og omsorg, avdeling psykisk helse.
Ved søknad om tilbod i Avlastningsbustad( institusjon) : send skriftleg søknad til soneleiar i den sona du bur.
Sakshandsamar/soneleiar vil ta kontakt og avtale heimebesøk snarast råd og seinast innan 14. dagar. Sakshandsamar vil føreta fagleg vurdering av behovet.
Du vil få skriftleg svar ved vedtak snarast og seinast innan 14 dagar.

Av vedtaket går det fram:

Om søknaden er innvilga.
Om søknaden er avslått.

Det er høve til å søkja på nytt dersom situasjonen endrar seg.

Dersom du vert innvilga Avlastningsheim vil avdeling psykisk helse finna ein person / familie til denne oppgåva. Dette vert gjort i samarbeid med dykk.
Kva tid avlastninga kan iverksetjast vert avklara med Avlastningsheim og søkjar.

Dersom du vert innvilga plass i Avlastningsbustad/institusjon vil det kome fram av vedtaket når tilbodet vert iverksett.

4. Kva omfattar tenesta

Tilbod i Avlastningsheim : ei helg i månaden frå fredag kl. 17.00 til søndag kl. 17.00
Dersom du har ei særs krevjande omsorgsoppgåve, kan det gjevast avlasting oftare.
Avlastingsheimen får regelmessig rettleiing frå avdeling psykisk helse. Godtgjersle til avlastningsheim og dekking av deira utgifter vert gjeve frå heradet etter gjeldande retningsliner.
Tilbod i Avlastningsbustad :3. kvar helg frå fredag e.m til søndag e.m. Omsorg og fagleg kompetanse heile døgnet.
Dersom du har ei særs krevjande omsorgsoppgåve, kan det gjevast avlasting oftare.

5. Kva kan eg forventa av dei tilsette

At eg vert møtt på ein respektfull og høfleg måte
At dei held teieplikta si
At eg får fagleg forsvarleg hjelp med dei oppgåvene som skal løysast

6. Pris

Tenesta er gratis.

7. Heimelsgrunnlag for tenesta

Pasient og brukarrettighetslova § 2-1 a
Helse- og omsorgstenestelova § 3-2 nr.6 d
Forvaltningslova

8. Når ting ikkje fungerer

Dersom du opplever at du ikkje får den tenesta du har krav på ifylgje vedtaket, kan du ta kontakt med pleie og omsorg avdeling psykisk helse eller soneleiar i den sona du bur, sjå punkt 11.

9. Klage

Finn du grunn til å klage på vedtaket eller personell som utfører tenesta, ta kontakt med pleie og omsorg, avdeling psykisk helse eller soneleiar.
Klagen må vera skriftleg og innehalda kva du er misnøgd med og kva du ynskjer annleis.
Dersom du ynskjer det kan du få hjelp til å skriva ned klagen.
Dersom pleie og omsorgstenesta ikkje imøtekjem klagen, vert den sendt vidare til Fylkesmannen i Hordaland for endeleg avgjerd der.

10. Brosjyrar, søknadsskjema ,anna/meir informasjon:

www.kvam.kommune.no

11. Praktiske opplysningar

Eining pleie og omsorg: Rådhuset, Grovagjelet 16, 5600 Norheimsund.
Helse og omsorgssjef : 56 55 30 00/ 30 93 / 90 59 85 79
E-post: postmottak@kvam.kommune.no
Avdeling psykisk helse : 56 55 30 00/ 30 92/90 03 97 82
Soneleiar Strandebarm: 56 55 31 10/ 91 81 74 08
Soneleiar Norheimsund : 56 55 86 00/ 8602 / 90 68 10 38
Soneleiar Øystese : 56 55 85 00/ 8502 / 99 54 88 56
Soneleiar Ålvik : 56 55 34 50/ 95 23 31 55
Denne serviceerklæringa er ajourført 19.08.2010

Epost: aabb@kvam.kommune.no