|
Måndag 20.05.2013:
 11:00 Sundagsskuleavslutning på Fykse skule..
Me deltar på friluftsgudstenesta på skuleplassen på Fykse, og grillar etterpå!.
11:00 Friluftsgudsteneste på skuleplassen på Fykse ..
S.pr. Lars Arne Vik. Øystese sundagsskule. Mannskoret Laudamus og Heims musikklag tek del. Offer til 1.Sjøspeidargruppe..
14:30 Vestlandsutstillinga 2013 - tegnNEARFAR..
I år syner utstillinga utvalde bidrag med tema
kor ein er.
Kurator: Kjetil Berge
Kunstnarar:
Thora Dolven Balke - Daniel Bell - Merete Christensen - Vania Cunha - Al Greenall - Anders Kjelles
18:00 Open bowlinghall..
Opningstidene er sundag 14 - 21 og måndag til torsdag kl 18 - 21. Pensjonistbowling onsdag kl 11 - 13. I juni og juli vert det ope berre på bestilling.
.
| | Tysdag 21.05.2013:
12:00 Kvam bibliotek - Øystese..
Kvam bibliotek har bøker, aviser, tidsskrift, teikneseriar, lydbøker, digitale spel, offentleg informasjon, kommunal informasjon, internett, trådlaust nettverk, lokalhistoriske kjelder, musikk og film
12:00 Kvam bibliotek - Strandebarm..
Kvam bibliotek har bøker, aviser, tidsskrift, teikneseriar, lydbøker, digitale spel, offentleg informasjon, kommunal informasjon, internett, trådlaust nettverk, lokalhistoriske kjelder, musikk og film
12:00 Kvam bibliotek - Norheimsund..
Kvam bibliotek har bøker, aviser, tidsskrift, teikneseriar, lydbøker, digitale spel, offentleg informasjon, kommunal informasjon, internett, trådlaust nettverk, lokalhistoriske kjelder, musikk og film
14:30 Vestlandsutstillinga 2013 - tegnNEARFAR..
I år syner utstillinga utvalde bidrag med tema
kor ein er.
Kurator: Kjetil Berge
Kunstnarar:
Thora Dolven Balke - Daniel Bell - Merete Christensen - Vania Cunha - Al Greenall - Anders Kjelles
15:00 Kvam bibliotek - Ålvik..
Kvam bibliotek har bøker, aviser, tidsskrift, teikneseriar, lydbøker, digitale spel, offentleg informasjon, kommunal informasjon, internett, trådlaust nettverk, lokalhistoriske kjelder, musikk og film
18:00 Open bowlinghall..
Opningstidene er sundag 14 - 21 og måndag til torsdag kl 18 - 21. Pensjonistbowling onsdag kl 11 - 13. I juni og juli vert det ope berre på bestilling.
.
| | Onsdag 22.05.2013:
10:00 Kvam bibliotek - Norheimsund..
Kvam bibliotek har bøker, aviser, tidsskrift, teikneseriar, lydbøker, digitale spel, offentleg informasjon, kommunal informasjon, internett, trådlaust nettverk, lokalhistoriske kjelder, musikk og film
11:00 Trivselskafe..
Velkomen til trivelig og sosialt samvær kvar onsdag mellom kl 11 og 14 på Trivselskafeen.
Enkel servering.
Varm mat, kaffe og kaker.
Kr. 50,-
Ta gjerne med handarbeid..
12:00 Kvam bibliotek - Øystese..
Kvam bibliotek har bøker, aviser, tidsskrift, teikneseriar, lydbøker, digitale spel, offentleg informasjon, kommunal informasjon, internett, trådlaust nettverk, lokalhistoriske kjelder, musikk og film
14:30 Vestlandsutstillinga 2013 - tegnNEARFAR..
I år syner utstillinga utvalde bidrag med tema
kor ein er.
Kurator: Kjetil Berge
Kunstnarar:
Thora Dolven Balke - Daniel Bell - Merete Christensen - Vania Cunha - Al Greenall - Anders Kjelles
18:00 Open bowlinghall..
Opningstidene er sundag 14 - 21 og måndag til torsdag kl 18 - 21. Pensjonistbowling onsdag kl 11 - 13. I juni og juli vert det ope berre på bestilling.
.
20:00 PREMIERE: The Great Gatsby..
Nyinnspilling av den verdenskjente boka til F. Scott Fitzgerald med Leonardo DiCaprio og Carey Mulligan, fra den verdenskjente regissøren av Romeo og Julie og Moulin Rouge, Baz Luhrmann.
11 år. Kr
|
|
Du er her: Startside / tenester /
Barnehagevedtekter for kommunale barnehagar
|
 Lagt ut 19. februar 2013 kl. 09:30 av Sigrid Laupsa
|
|
Vedtekne av Kvam heradsstyre 18.02.2013, H-sak 08/13.
|
|
I FORMÅL OG ORGANISASJON
1. Formål
a.
Barnehagen skal i samarbeid og forståing med heimen ivareta born sine behov for omsorg og leik, og fremja læring og daning som grunnlag for allsidig utvikling. Barnehagen skal byggja på grunnleggjande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgjeving, likeverd og solidaritet, verdiar som kjem til uttrykk i ulike religionar og livssyn som er forankra i menneskerettane.
b.
Barnehagen skal vera ei pedagogisk verksemd. Barnehagen skal møta borna med tillit og respekt og anerkjenna barndomen sin eigenverdi. Den skal bidra til trivsel og glede i leik og læring, og vera ein utfordrande og trygg stad for fellesskap og venskap. Barnehagen skal fremja demokrati og likestilling og motarbeida alle former for diskriminering.
c.
Ved hovudopptaket gjeld lovfesta rett til barnehageplass (jf. Lov om barnehagar § 12- a). Det betyr at born som har fylt eitt år innan utgangen av august det året det vert søkt om barnehageplass og som søkjer plass innan fristen for hovudopptaket, skal ha rett til barnehageplass i Kvam herad.
2. Born sin rett til medverknad.
Born har rett til å uttala seg om det som vedkjem dei, og skal ha høve til å ta del i det som omfattar livet deira i barnehagen. Det skal leggjast vekt på born sine synspunkt i samsvar med alder og modning.
3. Organisasjon
Dei kommunale barnehagane blir drivne i samsvar med lov om barnehagar, vedteken rammeplan for barnehagar og gjeldande departementale forskrifter og retningsliner, kommunale vedtak og planar gjeldande den einskilde barnehagen.
Kvam herad har ansvar for utbygging og drift av barnehagane i heradet jf. § 7 i lov om barnehagar. Den daglege drifta er delegert til administrasjonssjefen.
Barnehagane skal ha eit samarbeidsutval og eit foreldreråd, jf. § 4 i Lov om barnehagar og forskrifter § 1.6.
4. Eigartilhøve
Kvam herad driv kommunale barnehagar i eigne lokale eller i leigde lokale.
Heradstyret har det overordna ansvaret for å skapa gode rammevilkår for barnehagane.
5. Opptaksmynde
Førerett til plass i barnehage er fastsett i vedtektene, pkt. III. Administrasjonssjefen stadfester eventuell førerett etter retningsliner gjeve i vedtektene.
Det er kontinuerleg opptak etter fastsette retningsliner, jf. vedtektene pkt. II.
Enkeltvedtak som gjeld førerett kan føresette klaga til Klagenemnda.
Klagen skal sendast til Kvam herad innan 3 veker frå motteke brev, jf. § 28 i forvaltningslova.
6. Opptaksperioden
Opptaksperioden går frå barnet får plass og fram til veke 28 det året barnet skal ta til på skulen.
7. Opptakskrinsar/soner
Sone Ålvik: Ålvik barnehage
Sone Norheimsund/Øystese: Fykse barnehage, Øystese barnehage, Bjørketeigen barnehage, Tolomarka barnehage, Sandven FUS barnehage, Norheimsund barnehage og Tørvikbygd barnehage.
Sone Strandebarm: Strandebarm barnehage og Oma barnehage.
Føresette har rett til plass innafor den sona dei tilhøyrar.
8. Opningstida
Opningstida i barnehagane er 10 timar per dag.
Barn si opphaldstid i barnehagen skal ikkje overskrida 9 timar per dag.
9. Leike- og opphaldsareal
Leike - og opphaldsareal følgjer rettleiande normer frå Kunnskapsdepartementet sine merknader til barnehagelova.
10. Eining/plass
Born som fyller 3 år innan 31.07 i vårhalvåret vert rekna som 3 år frå 1.januar, og vert rekna som ei eining. Born som fyller 3 år innan 31.12 i hausthalvåret, vert rekna som 3 år frå nytt barnehageår i august. Born under 3 år svarar til 2 einingar.
11. Fleire born enn norma tilseier
Styrar, i samråd med barnehagesjefen og verneombod, avgjer om det skal vera fleire born i barnehagen enn norma tilseier. Det må her takast omsyn til alderen på borna, fysiske rammer og eventuelt andre forhold. Dersom det er ei eining ledig i høve norma må barnehagen ta opp eit barn under 3 år dersom det ikkje er søkjarar over 3 år.
12. Planleggings- og kursdagar.
Barnehagane blir stengde 7 dagar i løpet av barnehageåret. Fem av desse dagane går til planlegging og samarbeid for personalet, jf. arbeidsavtale for personalet. (SFS nr. 2201, 3.4.). To av dagane går til kompetanseutvikling for personalet.
13. Serviceerklæring.
Driftseining barnehage har eiga serviceerklæring.
II. OPPTAK.
Føresette med barnehageplass har rett på å få tilbod om å auka plassen før barnehagen tek opp nye born på ledige plassar. Barnehagane skal til ein kvar tid ha oversikt over ledige plasser den enkelte dag. Opptak skjer etter søknadsansiennitet.
1. Søknad
Søknadsfrist 1. mars til hovudopptaket for tildeling av plass frå nytt barnehageår i august. Søknad skal skrivast via Internett, og berre søknader over nettet blir akseptert.
Føresette kan søkja om plass i 3 barnehagar, der ein prioriterer etter ønskje.
Når søkjar får tilbod om plass, må vedkomande skriftleg takka ja innan 2 veker frå utsendingsdato. Dersom ein ikkje har fått 1. ønskje oppfylt, må ein sjølv gje melding på svarslippen om at ein ønskjer å stå på venteliste der.
Søkjarar som ikkje får 1. og 2. ønskje oppfylt, kan krevja at avslaget blir grunngjeve skriftleg.
Søknader som ikkje inneheld informasjon om oppstartsdato, blir ikkje handsama.
Søkjarar som berre har ført opp ein barnehage, får tilbod innan sona om det ikkje er plass på 1. ønskje.
Søknadsskjemaet finn ein på Eining for barnehage si heimside – http://www.kvam.no/barnehage/
Ledige plassar blir sendt som tilbod til dei som står på ventelista.
Tvillingar skal til vanleg vurderast saman ved opptak.
Takkar føresette nei til plass på 1. ønskje, blir søknaden sletta frå ventelista, og ny søknad må eventuelt sendast. Takkar ein nei til ein av dei andre ønskja, blir søknaden ståande på ventelista til 1. ønskje.
2. Søknadsansiennitet
Føresette kan søkja i god tid før dei ønskjer plass for barnet.
Søkjar får søknadsansiennitet og såleis prioritet på ventelista etter den dato søknaden er motteken. Ansiennitetsprinsippet kan berre fråvikast for born med førerett, jf. pkt. III.
3. Ønskje om dagar
Ved søknad om barnehage-plass kan ein søkja om heil eller halv plass, 100 % eller 50 %. Dei halve plassane blir som hovudregel delt mellom dagane måndag og onsdag og annakvar fredag eller tysdag og torsdag og annakvar fredag. Ved opptak vil søknad om 5-dagars plass gå føre søknad om færre dagar ved elles lik søknadsansiennitet.
Styrar kan dispensera frå 100 % plass, under føresetnad av at den ledige plassen vert fylt opp.
4. Opplysningar til søkjar
Søkjar har rett på opplysningar om talet på søkjarar til barnehagen, aldersfordeling og korleis grupperinga er i høve til opptakskriteria.
III KRITERIUM DER SØKNADSANSIENNITETEN KAN FRÅVIKAST:
1. Førerett ved opptak i barnehage i prioritert rekkefølgje:
a.
Funksjonshemma born som er tilrådd utviklings-/opplæringstilbod i barnehage av sakkunnige. (Jf. § 13 i lov om barnehagar).
b.
Born det er fatta vedtak etter lov om barneverntenester §§ 4-12 og 4- 4 andre og fjerde ledd.
c.
Året før born tek til på skulen.
d.
Born som har søsken i barnehagen har førerett til plass i den barnehagen søsken går i.
2. Overgangsordningar
Administrasjonssjefen avgjer om heradet kan gje førerett til plass i barnehage i samband med rekruttering til stillingar der heradet har vanskar med å skaffa kvalifisert personale.
IV. FORELDREBETALING
1. Barnehagane nyttar dei betalingssatsane som blir fastsette av heradsstyret.
Betalinga gjeld frå den dato barnet startar (inkludert tilvenjing) og fram til oppseiingsdato. Før skulestart er siste betalingsdag 30.juni. Viss born som skal over i skulen nyttar dagar i juli, må det betalast ekstra. Born som skal starta på skulen vil ikkje få tilbod etter ferien.
Føresette får tilsendt utfylt innbetalingskort med forfall den siste dagen i kvar månad.
Ved for sein betaling vert det etter minimum 2 – to – veker sendt eit første purrebrev frå Kvam herad v/ økonomikontoret. Det skal nyttast satsar for purregebyr og forseinkingsrente som vert fastsett i det årlege gebyrheftet i kommunen.
Etter 1 – ein – månad seier Kvam herad opp plassen gjeldande frå 1. i månaden etter. Økonomikontoret sender varsel om inkasso ved manglande betaling. Vidare krav blir innfordra ved tvang.
Ny barnehageplass eller plass i SFO blir ikkje tildelt før barnehageavgifta er betalt, eller det føreligg ei betalingsordning økonomisjefen kan godkjenna.
2. Foreldrebetalinga kan bli redusert til 50 % dersom barnet samanhengande er borte frå barnehagen meir enn ein månad på grunn av alvorleg sjukdom. Dette må dokumenterast med legeattest. Den første fråværsmånaden, rekna frå den dagen søknaden er motteken, blir likevel betalt etter vanlege satsar.
3. Ved ekstraordinær stenging i heile dagar blir det gjeve prisavslag tilsvarande 100 % reduksjon av dagbetalinga.
4. Det blir gjeve søskenmoderasjon etter reglar gjevne av heradstyret. Det vert gjeve 30 % søskenmoderasjon for 2. barn og 50 % frå og med 3. barn. Moderasjonen blir gjeven for det barnet som har lågast månadssats. Søskenmoderasjon for born som ikkje er søsken, men bur i same hushald, kan bli gjeven etter særskild søknad.
5. Barnehagane i Kvam skal krevja eit gebyr på kr. 250,- kvar gong føresette hentar born etter stengetid, dvs. at borna må vera ute av lokala før stengetid.
6. Redusert betalingsevne.
Inntektsgradert foreldrebetaling kan gjevast etter søknad frå foreldre/føresette med låg betalingsevne. Moderasjonen vert rekna ut frå den type plass barnet har i barnehagen
og aktuell pris på plassen. Kvam herad har to satsar:
1) Hushaldningar med årleg bruttoinntekt under 2 G (grunnbeløp) blir gjeve 80 % reduksjon
2) Hushaldningar med årleg bruttoinntekt under 3 G (grunnbeløp) blir gjeve 50 % moderasjon
V. ENDRING OG OPPSEIING AV BARNEHAGEPLASS
1. Permisjon frå barnehageplassen
Administrasjonssjefen kan gje permisjon frå barnehageplass ved brå endring i barnet sin livssituasjon. Permisjon etter desse vilkåra blir gjeve etter skriftleg søknad frå føresette og med dokumentasjon. Frå den dagen søknaden blir motteken, og heile påfølgjande månad blir det likevel kravd betaling etter vanlege satsar.
2. Dagopphald
Til vanleg blir det ikkje gjeve høve til dagopphald ved dei kommunale barnehagane.
I særskilde høve kan styrar i barnehagen gjera unntak frå denne regelen.
Kostnad for dagopphald blir fastsett av administrasjonen.
3. Reduksjon
Reduksjon av barnehageplass kan ein få innvilga etter søknad. Føresette må betala for opphavleg barnehageplass den månaden dei seier opp og for tre heile påfølgjande månader. Dersom barnehagen kan ta inn nytt barn før perioden har gått, kan reduksjon bli innvilga tidlegare, men ikkje før den datoen det blir betalt for nytt barn.
4. Auke
Auke av barnehageplass kan ein få innvilga dersom det er ledig kapasitet i barnehagen.
5. Oppseiing
Ved oppseiing av barnehageplass må det betalast for den månaden styrar har motteke skriftleg oppseiing og for tre påfølgjande månader.
Kvam herad kan seia opp barnehageplassen ved manglande foreldrebetaling jf. pkt. IV.
VI. FERIE
Barnet skal ha minst 4 veker ferie i løpet av året.
Barnehagane er stengde i 4 veker frå veke 28 t.o.m. veke 31.
VII. MELDING OM HELSA TIL BARNET
Føresette pliktar å gje barnehagen naudsynt informasjon om tilhøve ved barnet si helse som tilsette må ta særskilt omsyn til. Informasjonen blir arkivert i barnet si mappe i barnehagen. Informasjon må bli levert seinast ei veke før oppstart.
VIII. INTERNKONTROLLSYSTEMET I BARNEHAGEN
Barnehagane følgjer systemet for internkontroll i Kvam herad tilpassa den enkelte barnehage. IK-handboka og handbok for miljøretta helsevern i barnehage og skule, MHBS.
Ein representant frå samarbeidsutvalet skal vera med på vernerunde i høve MHBS.
Epost: sila@kvam.kommune.no
|
|
|
|  |
|
arbeid og næring
barnehagar
This town ain’t big enough for the both of us