Lenke til artikkelinnhald - Sakshandsamar i barneverntenesta Lenke til artikkelinnhald A - A - A | Sidekart |
AKTUELT | TENESTER | POLITISK | LAGSPORTALEN | KVAM | PLAN | POSTLISTE | KONTAKT | SKJEMA |
AKTUELT
kunngjering
ledige stillingar
nyhende
- Desember – den v..
- Opplevingskort f..
- Tildeling av adr..
- Ledige elevplass..
- Offentleg etters..
- Innspel om frilu..
- Innspel til komm..
- Vegstenging Nedr..
- Vegarbeid Gjermu..
- Ny søknadsrunde ..
- Godkjend reguler..
- Politisk møtebol..
- Vegstenging - Kj..
- Høyring: Elkem B..
- Offentleg etters..
- Offentleg etters..
- Budsjett 2017 og..
- Planstrategi for..
- 11 nye fagarbeid..
- Radonmålingar - ..
- Spanande plan fo..
- Samferdsel på ag..
- Kvam kino - ny n..
- Kvam herad tilby..
lagsportalen
kalender
logg inn/ mi side

Du er her: Startside / aktuelt / nyhende /

Sakshandsamar i barneverntenesta

Utskriftsvenleg side Lagt ut 22. mai 2013 kl. 13:00 av Anne Vestrheim
Saknr.13/587
Barneverntenesta i Kvam herad har ledig eit 70 % vikariat som sakshandsamar. Vikariatet er ledig i eitt år f.o.m 15.08.2013.

Barneverntenesta har eit godt og stabilt fagmiljø som er i stadig utvikling.
Det er for tida 5,6 stillingar knytt opp mot sakshandsaming i barneverntenesta.I tillegg til dette er 2,8 stilling knytt til Kvam familiesenter, som yter heimebaserte tenester til familiar som mottek hjelp frå barneverntenesta. Kvam familiesenter er eit tiltak i barnevernet.

Hovedarbeidsoppgåver:


Stillinga vil innebera arbeidsoppgåver knytta til sakshandsaming etter lov om barneverntenester.

Kvalifikasjonar:


Det er ynskjeleg med sosialfagleg høgskuleutdanning, fortrinnsvis barnevernspedagog eller sosionom og gjerne med relevant vidareutdanning.

Det vil bli lagt vekt på:


• kompetanse og arbeidserfaring frå barnevernet
• personlege eigenskapar vert tillagt stor vekt
• evne til å arbeida både sjølvstendig og i team
• evne til å inspirere og vilje til å omsetje initiativ til handling
• god munnleg og skriftleg framstillingsevne
• strukturert og nøyaktig
• evne til å skapa framdrift i enkeltsaker
• gode datakunnskapar

Søkjar må ha førarkort og høve til å disponera eigen bil.

Me kan tilby:


• triveleg arbeidsmiljø
• spennande, utfordrande og varierte arbeidsoppgåver
• anledning til å vera med å vidareutvikle barneverntenesta i kommunen

Avlønning etter gjeldande sentrale tariffavtalar og lokalt lønssystem
Gode pensjons- og forsikringsordningar

Ved tilsetjing vert det stilt krav om politiattest jf. Forskrift av 15.10.99 til lov om barneverntenester av 17 juli 1992 nr 100 § 6-10 siste ledd.

Me ynskjer ei jamnare fordeling av kvinner og menn i barneverntenesta og oppfordrar menn om å søkja.

Nærmare opplysningar om stillinga, får ein ved å kontakta:


Barnevernsleiar Anne Nyquist Valland tlf. 56553078 / 976 35 351 eller nestleiar Liv Berit K. Befring tlf. 56553091 / 995 24 612

Søknadsfrist: 7. juni 2013

Søknaden skal sendast via vårt digitale søknadssenter.
Hugs å føra opp utdanning og praksis, også om du har opplyst om dette i tidlegare søknadar til kommunen. Søknadspapir, kopiar av vitnemål og attestar osv. vert ikkje returnert.




Desember – den verste brannmånaden i året. Kva har du gjort for å hindra at brann oppstår hjå deg?

1. desember 2016 kl. 08:02 - Arthur Strømme
-Visste du at komfyrbrann er den største einskildårsaka til brann i Noreg, og skjer ofte på dagtid og rammar eldre menneske. Flest liv går likevel tapt i brannar om natta. Då kan det gjerne vera relativt unge menneske, påverka av alkohol som vert ramma. Rusa personer har svekka dømekraft og merksemd, samstundes som dei har lett for å sovna frå komfyren. Ved å installera komfyrvakt kan du hindra komfyrbrann. Komfyren vert då slått av dersom ein farleg situasjon oppstår.

Opplevingskort for born og unge 2016 - hugs å bruka kortet !

1. desember 2016 kl. 08:01 - Mary Ann Sørheim
Alle born og unge frå 5.-10.klasse i Kvam har fått gratis opplevingskort med 3 aktivitetar i 2016. Laurdag 3.desember kan kortet brukast på kulturskulen sin kakaokonsert i Kabuso kl 13 00. Kortet gjev og ein gratis billett på Kvam kino, og 1 inngang til symjehallen i Strandebarm.

Tildeling av adresser på Kvamskogen

1. desember 2016 kl. 07:00 - Benjamin Danielsen
Kvam herad har vedteke vegadresser til dei fleste eigedomane på Kvamskogen. Adresseoversikt finn du på vedlagte lister. Eigedomar som ikkje er registrert i listene vil få adresser etter kvart som nye vegnamn vert godkjent eller nye eigedomar vert oppretta.

Ledige elevplassar i kulturskulen

29. november 2016 kl. 13:53 - Rolf K. Seldal
For vårsemesteret 2017 har kulturskulen ledige elevplassar for born og unge som ynskjer å utvide sitt kunstarlege repertoar. Søk elevplass på heimesida: http://www.kvam.kommune.no/kulturskulen , eller ta kontakt med kulturskulerektor Rolf K. Seldal på 56553064, 92483273 eller på e-post rose@kvam.kommune.no .

Offentleg ettersyn- Budsjett 2017-2020, Økonomiplan 2017- 2020 og Avgiftsbudsjett 2017

29. november 2016 kl. 10:01 - Kari Weltzien Vik

Kvam formannskap sitt framlegg til "Budsjett 2017 og Økonomiplan 2017-2020"

FSK-080/16 Tilråding:

Innspel om friluftsområde i Kvam

28. november 2016 kl. 14:40 - Reidun Braut Kjosås
Kvam herad og Bergen og omland friluftsråd treng hjelp frå deg til å få oversikt over område som vert nytta til friluftsliv i Kvam? Kvam har mange flotte friluftsområde både langs fjorden og høgare opp i fjellet. Mykje har me oversikt over, men det er fleire område som kan registrerast.

Innspel til kommunedelplan for fysisk aktivitet, idrett og friluftsliv

28. november 2016 kl. 14:31 - Reidun Braut Kjosås
Gode aktivitetstiltak og aktivitetsanlegg gjev rom for allsidig fysisk aktivitet for alle målgrupper. For å kunna søkja om spelemidlar, følgja med i tida og bidra til at flest mogleg er fysisk aktive, treng Kvam herad ein oppdatert kommunedelplan på fagfeltet. Kvam herad ønskjer innspel på kva som kan gjerast for å fremja fysisk aktivitet, idrett og friluftsliv i kommunen.

Vegstenging Nedre Vik

25. november 2016 kl. 10:20 - Nils Eivind Stranden
  • Kvam herad oppgraderer leidningar for vatn og avløp i nedre del av Vikvegen og området rundt. Kvam kraftverk og Statens Vegvesen får også utført arbeid samstundes.
  • Stengetida er nødvendig for å leggje nødvendige røyr, montere kummar og samtidig ivareta drikkevassforsyning, overvass- og avløpskapasitet.
  • Samtidig med at Kvam herad legg nye VA-røyr, vert det også lagt nye kablar for straum og fiber.
  • Ny fotgjengarovergang skal etablerast og krysset skal oppgraderast

Vegarbeid Gjermundshamn - Mundheim (Bjånes)

24. november 2016 kl. 10:17 - Frank Tangen
Statens vegvesen skal sikre ein mur ved Bjånes på strekninga mellom Gjermundshamn og Mundheim. Det vert manuell dirigering forbi arbeidsområdet, men ikkje noko ventetid. Arbeidet vert utført måndag til torsdag frå kl 0700 til 1730 i perioden frå 28. november til 22. desember.

Ny søknadsrunde for kompensasjon av meirverdiavgift ved bygging av idrettsanlegg

18. november 2016 kl. 08:34 - Jon Nedkvitne
Frå og med 15. november 2016 er det opna for innlevering av søknadar om kompensasjon av meirverdiavgift ved bygging av idrettsanlegg, for handsaming i 2017. Søknadsfristen i 2017 er 1. mars. Søknadar som vert motteken etter søknadsfristen, vert handsama i 2018. Søknadar skal leverast elektronisk på eige søknadsskjema på www.idrettsanlegg.no.

Godkjend reguleringsplan for gnr. 33, bnr. 195. bustader på Valland

18. november 2016 kl. 07:30 - Trond Inge Brakestad

Reguleringsplan for for gnr. 33, bnr. 195. bustader på Valland vart vedteken av Kvam heradstyre 01.11.2016, HST-sak 098/16

Planområde

Politisk møtebolk nr. 9, 2016

16. november 2016 kl. 10:25 - Jorunn K. Drægni Mæland
Her ser du tid og stad for dei ulike utvala. Sakspapir vert å finne på Kvam herad sine innsynssider.

Vegstenging - Kjerringkleiv Øystese

15. november 2016 kl. 10:23 - Nils Eivind Strandnen
Kvam herad/Kvam kraftverk utfører noko arbeid i Kjerringkleiv i Øystese. Dette betyr at vegen vert stengt frå 17. november til 9. desember. Det vil normalt ikkje vere mogeleg med gjennomkøyring i denne perioden, men det vil fortsatt være tilkomst frå kvar side frå Torpevegen og Gartveit. Plassering av stengsel i veg vil flytte seg etter kvart som arbeidet går framover.

Høyring: Elkem Bjølvefossen søkjer om å få auka sin samla produksjon

7. november 2016 kl. 07:48 - Frank Tangen
Elkem Bjølvefossen søkjer om å få auka sin samla produksjon av ferrosilisumbaserte legeringar, og sin produksjon av magnesiumhaldig ferrosilisium (FSM). Sidan løyvet er av ein eldre årgang, skal det gjennomgå ein fullstendig revisjon.

Offentleg ettersyn - Framlegg til reguleringsplan for gnr. 19, bnr. 111 Kleiva på Kvamskogen

4. november 2016 kl. 07:00 - Trond Inge Brakestad

NPB-utvalet har i møte den 20.09.2016 vedteke at framlegg til reguleringsplan for gnr. 19, bnr. 111 mfl Kleiva på Kvamskogen skal leggjast ut til offentleg ettersyn. NPB-sak 053/16

Planområde

Offentleg ettersyn - Framlegg til reguleringsplan for Tokagjelet fjellstove

4. november 2016 kl. 07:00 - Trond Inge Brakestad

NPB-utvalet har i møte den 20.09.2016 vedteke at framlegg til reguleringsplan for Tokagjelet fjellstove i Kvam herad skal leggjast ut til offentleg ettersyn. NPB-sak 054/16

Planområde

Budsjett 2017 og økonomiplan 2017-2020

1. november 2016 kl. 16:45 - Anita Hesthamar
Budsjett 2017 og økonomiplan 2017-2020 Rådmann Arild M. Steine presenterte framlegg til budsjett for 2017 og økonomiplan 2017-2020 i heradsstyremøtet tysdag 1. november 2016. Budsjettframlegget skal handsamast i formannskapet onsdag 23. november og i heradsstyre tysdag 13. desember.

Planstrategi for Kvam herad 2016 - 2019

1. november 2016 kl. 15:25 - Jon Nedkvitne
Heradsstyret skal minst ein gong i kvar valperiode, og seinast eitt år etter konstituering, utarbeida og vedta ein kommunal planstrategi, jf. plan- og bygningslova § 10 -1. Føremålet er å klargjera kva planoppgåver kommunen bør starta opp eller vidareføra, for å leggja til rette for ei ynskt utvikling.

11 nye fagarbeidarar

28. oktober 2016 kl. 16:25 - Kari Sagen
Kvam herad satsar på lærlingar i samarbeid med Handalag opplæringskontor

Radonmålingar - tilbod til innbyggjarane i Kvam herad

17. oktober 2016 kl. 13:00 - Kommunegeologen
Målesesongen for radon er frå ca. 15. okt. til 15. apr. Kvam herad har ein avtale med Radonlab som gjer innbyggjarar i Kvam rimelelege sporfilmmålarar. Innbyggjarar må sjølv tinga sporfilm via Radonlab sine nettsider eller på telefon 21 96 03 50 (passord "Kvam").

Spanande plan for aktivitetspark i Norheimsund

9. september 2016 kl. 14:30 - Trond Inge Brakestad
Målsettinga er å utvikla ein aktivitetspark for både organisert og uorganisert aktivitet. Aktivitetsparken skal vera eit tilbod for alle aldersgrupper (barn, unge, vaksne og eldre.) Planområde

Samferdsel på agendaen i Kvam formannskap

30. august 2016 kl. 15:19 - Arild McClellan Steine
Formannskapet hadde temamøte om samferdsel i dag. Fylgjande presentasjonar vart lagt fram: - Utgreiing tunnelløysingar fv. 7 Tokagjelet v/Statens vegvesen - Status Kvammapakken ved Hordaland fylkeskommune - Alternative finansieringsløysingar ved revisjon av Kvammapakken v/Helge Hopen

Kvam kino - ny nettside

5. juli 2016 kl. 13:29 - Mary Ann Sørheim
Ny nettside Kvam kino har fått ny nettside.

Kvam herad tilbyr AvtaleGiro og eFaktura

12. juni 2016 kl. 06:58 - Kristi Neteland
AvtaleGiro og eFaktura Du kan velje mellom eFaktura, Avtalegiro eller ein kombinasjon av begge. Avtalen kan du enkelt opprette her ved hjelp av BankID. Eventuelt kan du opprette avtalen i nettbanken, eller ved å ta kontakt med banken din. Dersom du ikkje har nettbank kan du inngå avtale om AvtaleGiro ved å fylle ut og sende inn vår Svarkupong.


Legevakt 116117



FACEBOOK  Facebook

Godkjent HTML 4.01 Transitional
Kvam herad, Grovagjelet 16, 5600 Norheimsund - telefon: 56553000 / faks: 56553001, epost: postmottak@kvam.kommune.no