|
Du er her: Startside / Plan og byggesak / byggjesak /
|
Byggjesak
|
|
|
|
|
|
For at ei byggjesak skal få ei god og rask handsaming, er det viktig at den informasjonen som heradet mottek er riktig og fullstendig i forhold til det tiltaket det vert søkt om/ meldt om. Ved korrekt utfylling vil søknadsskjema/ meldingsskjema fungere som ei sjekkliste. Ta tidleg kontakt med kommunen for å få opplysingar og rettleiing i byggjesaka. Nedanfor finn du vesentleg informasjon ved søknad om løyve/ melding om tiltak.
- Rettleiing ved byggjesak kan du finne på: "Byggsøk veiledning- bygg"
- Utfylling av elektronisk byggjesøknad kan du gjere på: "Byggsøk- bygning"
Kvar er eigedomen?
Kva er gardsnummer(gnr.) og bruksnummer (bnr.) for eigedomen?
Kart over Kvam herad finn du her: Kart
Kva planstatus gjeld for eigedomen?
For alle eigedomar finnes det ein arealplan som gjev føringar for kva som går an å gjera på eigedomen. Avhengig av kvar i kommunen eigedomen ligg, kan dette vera ein kommuneplan, kommunedelplan, reguleringsplan, bebyggelsesplan, disposisjonsplan eller strandplan.
For meir informasjon om kva dei ulike plantypane er kan du sjå her: Kommuneplan, kommunedelplan, reguleringsplan, bebyggelsesplan
Arealplanane gjev rammer som kjem i tillegg til plan- og bygningslova med forskrifter, og andre lover og reglar som kan gje føringar i ei byggjesak. Det er viktig å vite kva arealplan som gjeld for din eigedom, for å vite om tiltaket du ynskjer let seg gjere. Du kan ta kontakt med Kvam herad for å få opplyst planstatus på eigedomen din, men vi oppmodar til at du nyttar "Infoland" for å bestille informasjon om gjeldande planstatus på eigdomen.
Tiltakstype
Kva er tiltaket?
For å finne ut korleis saksprosessen vert, må det definerast kva tiltaket er. Tiltakstype saman med planstatus avgjer kva sakshandsaming tiltaket får i kommunen. Større tiltak krev at du har ein "Ansvarleg søkjar" for tiltaket.
Du kan finne informasjon om ulike typar tiltak på heimesida til "Byggsøk veiledning- bygg". Dersom du er i tvil kan du ta kontakt med Kvam herad for hjelp til å avklare tiltakstype, og korleis du skal søkje/ melde.
Førehandskonferanse
Det er lurt å be om førehandskonferanse på eit tidleg tidspunkt. I førehandskonferansen kan du leggje fram kva du ynskjer å gjera, og sakshandsamar kan gje rettleiing om det er i tråd med planar, lover og reglar. Avklaringar på eit tidleg tidspunkt kan spare mykje tid i saksprosessen. Dersom tiltaket er av ein slik type at det er krav til "Ansvarleg søkjar" er det viktig at ansvarleg søkjar er med i førehandskonferansen.
Meir om førehandskonferansar finn du på denne lenkja: Førehandskonferanse
Ansvarleg søkjar
Når det er tatt avgjerdsle om gjennomføring av eit tiltak som er søknadspliktig etter plan- og bygningslova, må tiltakshaver engasjere eit føretak som kan stå som ansvarleg søkjar. Ansvarleg søkjar vil vera kommunen sin kontaktperson under heile byggjesaka. Ansvarleg søkjar skal koordinere heile byggjesaka og har i den samanheng ei rekkje oppgåver.
Meir om ansvarleg søkjar kan du finne på denne lenkja: Ansvarleg søkjar
Nabovarsel
Ved søknad om løyve eller melding skal både naboar og motbuarar varslast dersom dei ikkje har skriftleg sagt i frå at dei ikkje har nokon merknad til søknaden, jf. pbl. § 94 nr. 3.
Meir om nabovarsel kan du finne på denne linken: Nabovarsling
Dispensasjon
Kva er dispensasjon?
Dispensasjon er eit særskild løyve som kan verta gjeve på bakgrunn av ein skriftleg søknad om varig eller midlertidig å kunne fråvike føresegner i plan- og bygningslova, tilhøyrande forskrift eller vedtekt, reguleringsplaner og -føresegner.
Korleis kan ein søkje om dispensasjon?
Når tiltakshavar/søkjar ynsker å gjennomføra eit tiltak i strid med plan- og bygningslova/planar, må han søkja om dispensasjon. Søknad med grunngjeving må skrivast på eige ark og leggjast ved saka. Det må i tillegg merkast tydleg på nabovarselet og gjenparten av nabovarselet at det vert søkt om dispensasjon. Vi oppmodar sterkt til at du tek kontakt med heradet og ber om ei førehandskonferanse før du sender inn søknad om dispensasjon.
Når kan det gjevast dispensasjon?
Dispensasjon kan berre gjevast når det føreligg "særlige grunner". Omsynet for dispensasjon må vege tyngre enn dei som talar mot. Sjølv om slike "særlige grunner" føreligg har ein ikkje krav på å få dispensasjon.
Meir informasjon om dispensasjonssaker og "særlige grunnar" finn du her: Rettleiing om dispensasjonssaker og "særlige grunnar"
Sakshandsamingstid
Informasjon om tidsfristar for sakshandsaming finn du i "Forskrift til plan- og bygningslova om saksbehandling og kontroll"(SAK), § 23 og § 24.
Vi prøver å handsame sakene så snart som råd, og i den rekkjefylgje dei kjem inn. Det er viktig at søknaden ikkje manglar opplysningar eller har feil opplysningar. Sakshandsamingstida vil då verte lenger, fordi vi ikkje kan ferdighandsame ei sak som ikkje er tilstrekkeleg opplyst.
Det er ikkje sakshandsamingsfrist for søknad om dispensasjon. Vi har difor ikkje høve til å prioritere desse sakene framføre saker med tidsfristar.
Kor lenge gjeld eit vedtak?
Løyve fell bort om tiltak ikkje er sett i gang seinast 3 år etter at løyve er gjeve, jf. plan- og bygningslova § 96.
Klage på vedtak
Vedtak fatta av Kvam herad kan klagast på til Fylkesmannen i Hordaland, jf. forvaltningslova § 28 og plan- og bygningslova §§ 15 og 13. Klagefrist er 3 veker rekna frå melding om vedtak er motteke, jf. forvaltningslova § 29. Klaga skal stilast til Fylkesmannen i Hordaland, men sendast til Kvam herad.
Om tiltak vert sett i verk før klagefristen er gått ut eller før det ligg føre endeleg vedtak etter handsaming av eventuell klage, lyt tiltakshavar bera kostnadane ved eventuell seinare retting av tiltaket.
Informasjon:
Part i saka har rett til å gjere seg kjent med dokument i saka, jf. forvaltningslova §§ 18 og 19.
Meir informasjon om klage på vedtak kan du finne her: Klage
Gebyr
Prisar og gebyr, Kvam herad: Gebyr
Korleis er stoda i byggjesaka?
Dersom du lurar på korleis stoda er i di byggjesak kan du gå inn på Kvam herad sine heimesider og få innsyn i alle offentlege dokument i saka di.
Byggjesaka di finn du slik:
- Gå inn på Kvam herad si startside: www.kvam.no
- I den horisontale menylinja øverst på sida finn du menyen "Innsyn", der du trykkjer deg inn.
- Til venstre på sida finn du menyen "Innsyn", der du kan gå inn på "Saker". Her kan du søkje på saksnummer, tittel osv.
- Når du får opp saka di, går du inn på "Detaljar" og du får opp alle inngåande og utgåande brev som er offentleg tilgjengeleg. Dokumenta kan sorterast til dømes etter dato.
|
|
|
|
|
|
|  |
|
|
 |
|
|
WEBINNSYN - KART
|
|
|
Kva ventar heradet av ansvarleg søkjar i byggjesak
Avfallsplan