|
Du er her: Startside / Plan og byggesak / skredhandbok /
|
Kap. 442 - Tiltak på eksisterande bygg
|
 Oppdatert 13. januar 2012 kl. 15:11 av Tore Dolvik
|
|
|
|
---førre tema--- ---førre side--- ---framsida--- ---neste side--- ---neste tema---
Byggesak - tiltak på eksisterande bygg
Plan- og byggingslova § 28-1
Byggteknisk forskrift (TEK10) § 7.3 med rettleiar
NVE Retningslinjer 2/2011 "Flaum og skredfare i arealplan"
KRD: Svarbrev til Tranøy kommune
BE: Temarettleiar HO-1/2008 "Utbygging i fareområde" (zip-fil)
Tiltak på eksisterande bygg skal vurderast ut i frå ny lov og skal ha same tryggleik som nybygg (pbl § 31-2). Ut i frå same paragraf er det nemnd unntak frå lova:
”Kommunen kan gi tillatelse til bruksendring og nødvendig ombygging og rehabilitering av eksisterende byggverk også når det ikke er mulig å tilpasse byggverket til tekniske krav uten uforholdsmessige kostnader, dersom bruksendringen eller ombyggingen er forsvarlig og nødvendig for å sikre hensiktsmessig bruk. Kommunen kan stille vilkår i tillatelsen.”
Om tiltaket ligg i eit fareområde (t.d. skredfare) eller i eit aktsemdområde (mogleg skredfare) kan kommunen gje løyve til ombygging, òg mindre utvidingar, som t.d. kjøkken, bad og soverom, på byggverk i etablert byggjeområde under den klare føresetnad at det ikkje opprettast ein ny bueining (jf. pbl. § 31-2). Vanleg vedlikehald, mindre utbetringar og endringar av fasade av eksisterande bygg kan gjennomførast uavhengig av pbl. § 28-1.
Unntaket må tolkast strengt og må grunngjevast av kommunen. Det er snakk om liten utviding.
Ansvar
Ut i frå plan og byggingslova §§ 28-1 og 31-2 skal kommunen om nødvendig nedlegge forbod mot tiltak eller stille krav til byggegrunn, bygg og uteareal.
Om det viser seg at tiltaket ligg i eit aktsemdområde eller at kommunen av andre grunnar meiner at det kan vere skredfarleg i område skal kommunen krevje meir informasjon, blant anna om tiltaket stettar krava i teknisk forskrift til plan- og byggingslova (TEK10; NVE Retningslinjer 02/2011).
Sjølv om tiltaket ligger i eit fareområde så kan kommunen gje løyve til tiltaket (jf. pbl. § 31-2 fjerde ledd.). Tranøy kommune har sendt spørsmål til BE om temaet og har fått svar frå Kommunal- og regiondepartementet (lenke).
Regelverket er ikkje til hinder for at eigarar av beståande byggverk kan foreta ombygging/rehabiliteringar som er nødvendig å sikre at byggverkets funksjon tas vare på, jf. pbl. § 31-2 fjerde ledd.
Ein ombygging av huset vil òg kunne omfatte mindre utvidingar av bygget (vindfang, kjøkken, stue, soverom med meir). Utvidinga skal ikkje framstå som openbare tilbygg med nye funksjonar og som går ut over kva som er forsvarleg og nødvendig. Det understrekast at utvidinga ikkje kan vere i same storleik som tilbygg etter SAK10 § 3-1 litra), jf. pbl. § 20-1.
KRD skriv at vilkåra for å gje løyve til tiltaket, jf. pbl. § 31-2 fjerde ledd, er:
Det er uforholdsmessige kostnader ved å oppfylle dagens tekniske krav
Bruksendringa/rehabiliteringa/ombygginga er forsvarleg for å sikre hensiktsmessig bruk (persontryggleik)
Bruksendringa/rehabiliteringa/ombygginga er nødvendig for å sikre hensiktsmessig bruk.
Kommunen må foreta ein konkret vurdering av om alle vilkåra er oppfylt. Bestemminga inneber eit rettsanvendelsesskjønn, noko som betyr at fylkesmannen og domstolen kan overprøve kommunens vurdering. Kommunen bør derfor ta ein grundig vurdering av vilkåra og bør gje ein utfyllande grunngjeving for å tillate det omsøkte tiltaket.
Kommunen bør tolke unntaket strengt.
Oversikt
Kommunen må få oversikt over område og vurdere om søknaden inneheld alle opplysningar som er nødvendig.
Stettar tiltaket krava i TEK?
For å sjekke skredfaren bør kommunen (skjema 16.1):
sjekke aktsemdkart for skred (skrednett.no) / omsynssone for skred i kommuneplan
sjekke kva som er vurdert i reguleringsplan/byggesak
vurdere terrenget ut i frå kart (merksemdkriteria)
rapportar (er det gjort skredvurdering i område frå før)
tidlegare skredhendingar
erfaring frå område
Om tiltaket ikkje stettar kravet i TEK:
Kjem tiltaket under vilkåra i pbl. § 31-2 fjerde ledd som nemnd over?
Det er uforholdsmessige kostnader ved å oppfylle dagens tekniske krav
Bruksendringa/rehabiliteringa/ombygginga er forsvarleg for å sikre hensiktsmessig bruk (persontryggleik)
Bruksendringa/rehabiliteringa/ombygginga er nødvendig for å sikre hensiktsmessig bruk.
Utviding må vere liten.
Synfaring
Det må vurderast om synfaring er nødvendig og kan gje sakshandsamar nye opplysningar (om ein er i tvil). Om ein vurderer å gje løyve ved å bruke unntaket til tekniske krav i pbl § 31-2 siste ledd bør ein prioritere synfaring.
Tinging av geolog
Det er ansvarleg søkar som har ansvaret for å dokumentere søknaden og har ansvaret for å tinge geolog. Det viktigaste er at geologen må ha den riktige utdanninga og erfaringa og at rapporten viser til TEK10 § 7-3.
---førre tema--- ---førre side--- ---framsida--- ---neste side--- ---neste tema---
|
|
|
|
|
|
|
|
Forord
|
|
Lagt ut 16. desember 2011 kl. 14:07 av Tore Dolvik
|
| 442 |
Tiltak på eksisterande bygg |
|  |
|
|
 |
|
|
WEBINNSYN - KART
|
|
|
